Augnsýking úr sögunni
Þegar sonur minn fæddist fékk hann sýkingu í annað augað. Það vall úr því og stundum þegar hann vaknaði gat hann ekki opnað það því það var límt aftur. Ég ákvað strax að gefa þessu góðan tíma og sjá hvort litli líkaminn mundi ekki ná að vinna á þessu sjálfur, þar sem þetta virtist ekki angra strákinn neitt og ljósmóðirin sagði þetta ekki alvarlegt. Ég hreinsaði augað samviskusamlega með soðnu vatni og nuddaði tárakirtilinn. Ég prófaði líka að þrífa augað með brjóstamjólk en allt kom fyrir ekki. Eftir rúmar tvær vikur sagði ljósmóðirin mér að ef þetta lagaðist ekki fljótlega þá ætti ég að prófa sterakrem. Þá ráðfærði ég mig við Jónu Ágústu varðandi remedíur. Það er skemmst frá því að segja að 3 skömmtum og 4 tímum síðar var sýkingin alveg horfin og hefur ekki komið aftur.
Védís Sigurjónsdóttir