Afeitrun málma
Hómópatinn velur viðeigandi remedíur til inntöku í u.þ.b. þrjár vikur. Þá er nauðsynlegt að drekka vel af vatni. Taka kínverskar chlorella þaratöflur þrisvar á dag og taka inn góð vítamín, steinefni, prótein og fitusýrur til að byggja upp heilbrigðan og sterkan vef í stað þess sem er götóttur eftir málmana. (þegar kvikasilfursfrumeindir og sameindir annarra þungmálma losna byggir líkaminn nýjan vef í staðinn og ef hann fær ekki þau efni sem hann þarf með blóðinu á þeim tíma tekur hann byggingarefnin úr stoðvef líkamans, þ.e. sinum og liðböndum sem getur af sér vandamál þar í staðinn.)
Samhliða þessu er gott að taka inn eftirfarandi:
1 hvítlauksgeiri
½ bolli möndlur, cashewhnetur eða aðrar hnetur
1 (þjappaður) bolli fersk kóríanderlauf
2 msk ferskur sítrónusafi
6 msk græn extra virgin ólífuolía
Laufin eru hökkuð með olíunni í vél áður en hinu er bætt við þar til allt er orðið að mauki. Hægt er að mýkja það með smá vatni. Þetta má frysta. Takið nokkrar teskeiðar daglega í 2-3 vikur. Svona kúr er óhætt að taka 1-2 sinnum á ári til að hreinsa vefi og líffæri.
Best er að öll hráefnin séu lífrænt framleidd, því ekki viljum við stoppa í götin með eiturefnum! Hráefnin ættu að fást í heilsubúðunum, t.d. Góð heilsa gulli betri, Manni lifandi, Yggdrasli, Heilsuhúsinu, Hagkaupum og Fjarðarkaupum.
Kóríander er talinn þeim eiginleikum búinn að draga auðveldlega í sig málm. Kvikasilfur er hins vegar talið flytjast milli líffæra í stað þess að skolast út sé reynt að reka það út úr líkamanum. Eigi sérstaklega að hreinsa burt kvika¬silfurs¬eitrun geta hómópatar virkjað kóríanderlaufin sérstaklega með hómó¬patísku kvikasilfri til að auka líkurnar á að kvikasilfrið komist alla leið út úr líkamanum með úrganginum sem verður til við meltingu laufanna.
Samantekt Jóna Ágústa. Heimildir: Þuríður Hermannsdóttir og Robert Davidson.
Birt án ábyrgðar.