Ofvirkni - Athyglisbrestur - ADD ADHD
Athyglisverð grein birtist í Morgunblaðinu 11. júlí 2005 eftir Vilhjálm Skúlason sem fjallar um athyglisbrest og lyfjagjöf og líka um magnesíuminntöku og á eftir henni metylfenídat. Hann segir: "Talið er að magnesíum hafi milda róandi verkun og þar sem það er hættulaust getur það að vissu marki komið í stað róandi lyfs.” “Þetta er ekki nútímamenningarsjúkdómur, sömu einkennum var lýst 1848 í Þýskalandi, en tíðni fer vaxandi í vestrænum þjóðfélögum. Einkennin eiga sér ekki alltaf sálrænar orsakir heldur getur verið um magnesíumskort að ræða” segir Vilhjálmur í greininni. Þá segir hann ennfremur: “Magnesíum er málmur, sem er til margra hluta nytsamlegur. En ekki er eins vel þekkt, að það er eitt af 50 frumefnum, sem líkaminn þarfnast og verður að fá með fæðunni og eru lífsnauðsynleg á svipaðan hátt og vítamín. Þessi frumefni ganga undir heitum eins og steinefni og snefilefni. Í líkama fullorðsins manns eru 20-28 grömm af magnesíum og af þeim eru 99% inni í frumunum, þar sem það stjórnar starfsemi hinna ýmsu gerhvatakerfa (ensímkerfa), en gerhvatar eru efni, sem stjórna hinum margvíslegu efnahvörfum líkamans svo sem myndun boðefnisins dópamín. Sumir vísindamenn telja, að magnesíumneysla á Norðurlöndum sé of lítil og til dæmis hefur danska heilbrigðisstjórnin ákveðið 400 mg sem ráðlagðan dagskammt. Góðar magnesíumlindir eru grænt grænmeti (magnesíum er meðal annars í blaðgrænunni) og jurtir, kornmeti, kjöt og fiskur.” Þá segir Vilhjálmur að tilraun hafi verið gerð með börn á aldrinum 4ra til 12 ára sem höfðu einbeitingarskort, mikla þreytu, kviðverki, svefntruflanir og höfuðverk og var talið að 10 mmol magnesiumaspartat á dag sé lágmarksskammtur til þess að fá fram marktæka verkun. Þá er talið að magnesíum hafi milda róandi verkun og þar sem það er hættulaust getur það að vissu marki komið í stað róandi lyfs.
---------------------------------------------------------
Töluvert hefur verið fjallað um ofvirkni barna í fjölmiðlum og notkun ritalíns og annarra lyfja og skoðanir skiptar sem eðlilegt er.
www.alterativemedicine. Slá inn adhd en þar má lesa grein sem heitir "Kicking the Ritalin habit" og fjallar um hugsanlegt samband á milli ofvirkni og fæðuóþols og næringarefnaskort sem talinn er spila stóra rullu. Þar er fjallað um að ritalín sé mjög ávanabindandi og líkt við kókaín og morfín fyrir utan að geta valdið alvarlegum aukaverkunum. Því skyldu foreldrar reyna önnur úrræði áður en farið er út í lyfjagjöf. Þar kemur einnig fram góður árangur í meðferð ofvirkni að breyta mataræðinu fyrst og fremst með því að útiloka úr fæðunni þekkta ofnæmisvalda, svo sem hveiti, mjólk og mjólkurvörur, jarðhnetur, sykur og ávexti, einnig matvæli með rotvarnar- og litarefnum. Einnig er greint frá niðurstöðum rannsókna sem birst hafa í bandarískum vísindaritum og benda til þess að tengsl séu á milli ofvirkni og skorts á ákveðnum fitusýrum, sinki og magnesíum. Hafa menn dregið þá ályktun að ofvirknisjúklingar geti verið með fæðuofnæmi og/eða skort á næringarefnum sem veldur lífefnafræðilegu ójafnvægi í heila, t.d. skorti á taugaboðefnum, og þessir þættir séu raunverulega undirliggjandi ástæður sjúkdómsins. (Samantekt úr Mbl. 11.2.2003).
-------------------------------------------------------
Eftirfarandi er samantekt úr viðtali í Mbl. 2005 við Þorbjörgu Hafsteinsdóttur næringarterapista um ofvirkni og athyglisbrest.
Til er rannsókn sem sýnir fram á tengsl þarmaflórunnar og serótóníns. Almennt hefur verið talið að serótónín sé bara í heilanum og ef ekki er nóg af því að þá valdi það þunglyndi en staðreyndin er sú að næstum 50 prósent móttakara fyrir serótónín eru í þörmunum sem sýnir að hluti af heila- og taugakerfi er í þörmunum.
Í ofvirkni og einhverfu eru morfínpeptíð skoðuð og sjá má í þvagprufu barns með þá röskun að það getur ekki brotið niður eða klofið prótein úr mjólkurpróteininu caseini og glúteni sem kemur úr kornvörnum. “Ef maður ímyndar sér að ensím séu eins og skæri sem eiga að klippa prótein niður tíu sinnum, stoppar ferlið á númer átta og það sem eftir verður eru svokölluð peptíð og þau eru eins og morfín fyrir heilastarfsemi barnsins og taugakerfi sem veldur svo röskun í hegðun. “Mörg þessara barna eru sólgin í brauð, sykur og mjólkurvörur og sé þetta allt tekið af þeim róast þau mikið. Þá þurfa börnin að taka inn ensím sem bætiefni fyrir niðurbrot fæðunnar og líka olíur til þess að næra taugakerfið. Vanti það nauðsynlegar fitusýrur verða til óæskileg prostaglandín sem eru bólgumyndandi sem hefur líka áhrif á starfsemi heila- og taugakerfisins."
Jóna Ágústa tók saman.